په روم - ایتالیا کې د افغانستان اسلامی جمهوریت سفیر، خالد احمد ذکریا، نن د ملګری ملتونو د خوړو او کرنې سازمان (FAO) عمومی رئیس، داکتر کو دنگیو (Qu Dongyu)، ته خپل باورلیک په مجازی توګه وړاندې کړه.

په روم کې د افغانستان اسلامی جمهوریت سفیر، خالد احمد ذکریا، د افغانستان لپاره د ایټالیا له ځانګړي استازي، ښاغلي «Gianfranco Petruzzella»، او د ایټالیا د بهرنیو چارو او نړیوالو همکاریو په وزارت کې د افغانستان، خلیج هیوادونو، عربي ټاپوګانو او OIC برخې مشر، ښاغلي «Gianclemente De Felice» سره په یوه ویډیويي کنفرانس له لوری وکتل.
د کتنې په ترڅ کې، دواړو لوریو د افغانستان د سولې د بهیر، د افغانستان او د ایټالیا ترمنځ د ډیپلوماټیکو اړیکو د جوړیدو د سلمی کلیزې، کابل او هرات ته د ایټالیا د ځانګړي استازي راتلونکي سفر او په سیاسي، اقتصادي او فرهنګي برخو کې د راتلونکي کاري پلانونو په اړه خبرې وکړې.