خبرتیا
په روم - ايټاليا کې د افغانستان اسلامي جمهوريت سفارت قونسلي څانګه ټولو درنو غوښتونکو ته خبر ورکوي چې د پاسپورت د تمديد پروسې د پيل لپاره کار روان دی او د ځينې تخنيکي ستونزو حل کيدو وروسته به دا پروسه به ډير ژر پيل شي. پدی برخه کې اړوند تغيرات به د دې نمايندګی رسمی ټولنيزو رسنيو له لارې نشريږي.
دوشنبه ۱۵ سنبله ۱۴۰۰
خبرټيا
په روم کې د افغانستان اسلامي جمهوريت سفارت قونسلي څانګه ټولو درنو غوښتونکو ته په درنښت خبر ورکوي، چې له دې نه وروسته د جمعي په ورځو کې هم قونسلې چارې فعال او مراجعيينو ته خدمات وړاندې کيږي. نو د قونسلي څانګې نوی کاري ساعتونه پس له دې د سهار له ۹ بجې نه د مازديګر تر ۲ بجو پورې له دوشنبې نه تر جمعې ورځو پورې دي او په دير نږدې راتلونکې کې د نوبت اخيستو آنلاين سيستم به هم فعاله کيږي.
جمعه ۱۲ وږی ۱۴۰۰
اعلاميه
سربيره ددې چې طالبان د افغانستان پايتخت ونيوه، خو د افغانستان د اسلامي جمهوري دولت اساسي قانون، درې رنګه ځپيسلی بيرغ او اسلامي او دموکراتيک ارزښتونه پابرجا دی او د نوی حکومت تر جورېدو او د ايټاليا له طرفه د رسمي پيژندنې تر وخته پورې د افغانستان اسلامي جمهوري دولت ارزښتونه پابرجا او د سفارت ديپلوماتونو او محلی کارمندانو خپل کاري چارې ته دوام او هېوادوالو ته د خدماتو عرضه کول به جريان ولري. همداراز د سفارت رهبري، چې ايتاليې دولت ته د مارچ په څلورمه خپل اعتماد نامه تقديم کری وو لا تر اوسه د افغانستان اسلامي جمهوري دولت د ځانګری استازی او سفير کبير پحيث په خپل موقف کې دی او د سفارت چاری او د دوه اړخيزه او څو ارخيزو روابطو پر ټينګښت او د هېواد د ملي منافع په غور خپل دندې ته ادامه ورکوي.
پرون د سنبلې ۱۱مه د سفارت يو ديپلومات چې د خارجې وزارت مقام او سياسي معينيت ته اهانت همچنان د سفارت رهبري ته تهمت، توهين او تهديد او په کاری محيط کې د انارشی رامينځته کړی وو او بيا د سفير خصوصي اقامتګاه ته تللی وو، د وزارت د عالي مقام د دفتر رياست په هدايت سره د خپل دندې څخه ګوښه کړل شو او متعاقباً لاندې مسله د ايټاليا د بهرنيو چارو وزارت ته اخبار شوې. په عين حال د دغه تهديداتو په نظر نيولو سره د کوربه هېواد مقاماتو له مشورې وروسته ، که چيرې نوموری پخوانی ديپلومات په راتلونکي يو ځل بيا سفارت ته د راتک او د سفارت په شاوخوا ګرځی او مزاحمت کوي، نو سفارت او د کوربه هېواد حقوقي ارګانونه هغه سره به قانوني چلند وکړی. همدارنګه، د يادونې وړ ده چې د دې ډيپلومات ادعا چې هغه د بيت المال ساتنې له امله خپل دندې څخه ګوښه کړل شو، هيڅ قانوني يا اداري اعتبار نلري ځکه چې هغه هيڅکله د دې نمايندګی مالي او اداري څانګې مسؤل نه و او دا مسله د هغه قانوني يا اداري صلاحيت کې هم ندي.
په درنښت
په روم کې د افغانستان اسلامی جمهوريت سفارت او نمايندګي
سه شنبه، ۲ سنبله ۱۴۰۰
خبرتيا
په روم کې د افغانستان اسلامي جمهوريت سفارت قونسلي څانګه ټولو درنو غوښتونکو ته خبر ورکوي، چې په افغانستان کې اوسني شرايطو ته په کتنه، د کمپيوټري پاسپورټونو سيسټم اړيکه له مرکزي سيسټم سره پرې شوې او د پاسپورټ طی مراحل د اوس لپاره درول شوی دی؛ بنااً له مرکز سره د کمپيوټري پاسپورټ سيسټم تر بيا وصلېدو، د کمپيوټري پاسپورټونو څانګې خدمات درول شوي دي.
همدا راز د ويلو ده چې، دا سفارت به ډير ژر د ختم شوي کمپيوټري پاسپورټونو تمديد پروسه پيل کړي او د يوې خبرتيا له مخې به خپلو ګرانو هيوادوالو ته خبر ورکړي.
خبرټيا
په روم - ايټاليا کې د افغانستان اسلامي جمهوريت سفارت ټولو درنو مراجعینو ته خبر ورکول کیږی، چې د افغانستان د اسلامی جمهوريت د بهرنيو چارو وزارت سره د تماس نيولو او هدايت ترلاسه کولو وروسته او د دې سفارت ته د احتمالي امنيتي ګواښونو مخنيوي لپاره د ايټاليی دولت په همغږۍ سره، د سفارت او قونسلی څانګی خدمات بيرته د دوشنبې ورځ، د سنبله په ۱ مه نيټه، پېليږي.
خبرټيا
په روم کې د افغانستان د اسلامي جمهوريت سفارت او نمايندګی د قونسلۍ برخې ټولو درنو مراجعينو ته په درنښت خبر ورکول کيږي چې د «Post Italiane» پوسټې دفتر کې د نوي بانکی حساب رامينځته کولو ستونزه لاهم د ايټاليا د مغلق اداري سيسټم او بيروکراتيک پروسې له امله نده حل شوې، په دغه حال کې چې دا ستونزه حل کيږی، د افغانستان د سفير په ابتکار او د ايټاليا اړوندو چارواکو سره د رايزنی په جريان همچنان د مرکز په هدايت سره سفارت يو موقت حل لاره جوړه کړی چې په دې اساس سر له دوشنبې د زمری د مياشتې په ۱۴مه نيټه څخه د تذکرې صدورول د دغې نمايندګی څخه پيل کيږي. نو له همدې امله، هغه درنو مراجعينو چې غوښتنه يې د احصايې او معلوماتو محترم ملی ادارې لخوا تثبيت شوې، مهرباني وکړئ د سفارت د قونسلۍ برخې همکارانو څخه زنګ ته انتظار وکړئ.
خبرټيا
په روم کې د افغانستان اسلامی جمهوريت سفارت او نمايندګی ټولو درنو مراجعينو ته په درنښت خبر ورکول کيږي چې سفارت او قونسلی څانګه به يې د روان ۲۰۲۱ م کال، د جولای د ۱۹ مه نېته څخه تر ۲۳ مه نېته پوری، د عرفې ورځ او د لوی اختر په مناسبت تړلی وي. درنو مراجعينو خبر ووسي.