په روم کې د افغانستان اسلامی جمهوریت سفارت د لړم په ۱۴ او ۱۵ نیټه په سفارت کې د خواخوږی تعزیت کتاب کیښود.
||||||
||||||
لړم پر دولسمه نیټه د کابل پوهنتون د برید له قربانیانو سره د خواږۍ په موخه، چې پکې ۲۲ تنه شهیدان او لسګونه تنه نور ټپیان شول، په روم کې د افغانستان اسلامی جمهوریت سفارت د لړم په ۱۴ او ۱۵ نیټه په سفارت کې د خواخوږی تعزیت کتاب کیښود.
پدې مراسمو کې، د ایټالیا د بهرنیو چارو وزارت استازي، په روم کې د بیلابیلو هیوادونو لوړ پوړو چارواکو، مېشتو سفیرانو او دیپلوماتانو او په روم کې د نړیوالو سازمانونو د دفترونو استازو د خپلې خواخوږۍ او تسلیت پیغامونه په تعزیت کتاب کې ولیکل او یا د کتبې پیغام له لارې څخه د افغانستان اسلامي جمهوریت له خلکو او حکومت سره شریک کړل.
په روم کې د افغانستان سفارت د ملګری هیوادونو او په روم کې د نړیوالو سازمانونو د دفترونو استازو د خپلې خواخوږۍ او تسلیت پیغامونه له امله مننه کوي.
Published in: خبرونه
Read 857 times
