د ملګرو ملتونو د خوړو او کرنې سازمان په 42 مه غونډه کې (42nd Session of the FAO Conference) چې د 2021 کال د جون له ۱۴ څخه تر ۱۸ پورې د "زوم پلټفارم" له لارې ترسره شوه، د افغانستان له آدرس څخه شیرشاه امیري، د کرنې، اوبولګولو او مالدارۍ وزارت د کرنې او مالدارۍ مرستیال، په روم کې د افغانستان سفیر او دایمي استازی خالد احمد ذکریا او په روم کې د ا.ا.ج سفارت د سازمانانو مسؤول، رحمان نظر بیلیم، ګډون او وینا یې وکړه.
ښاغلي شیرشاه امیري د کرنې، اوبو لګونې، خوراکي خوندیتوب او مالدارۍ په برخو کې د افغانستان د لومړیتوبونو په اړه خبرې وکړې.
سفیر او د سفارت د سازمانانو مسؤول د افغانستان په ګډون د نږدې ختیځ هیوادونو په استازیتوب د خوراکي توکو خوندیتوب او د ځنګلونو په اړه خبرې وکړې.
