په روم – ایټالیا کې د افغانستان اسلامی جمهوریت سفیر، خالد احمد ذکریا، د افغانستان لپاره د ایټالیا له ځانګړی استازي، ښاغلی «Gianfranco Petruzella» سره وکتل.
پدې ناسته کې، دواړو لوریو د سولې پروسې او له افغانستان څخه د بهرنیو ځواکونو وتل، په روم کې د داعش ضد نړیوال ائتلاف غونډې لپاره چمتووالی، د بهرنیو چارو وزارت د ځوان ډیپلوماتانو لپاره د ډیپلوماټیک روزنې برنامې او د افغانستان د روغتیا سکتور کې د مرستې په څرنګوالي، بحث او تبادل نظر وکړ.
